අඩුපහසුකම් සහිත පාසලක පොඩ්ඩන්ට පිරිසිදු පානීය ජල පහසුකම් සැපයූ ආදරණීය මව | පුත්තලම් දිස්ත්‍රික්කය – ආණමඩුව (Project Water) – Part 02 (ජල පෙරණය පරිත්‍යාග කිරීම)
පුත්තලම දිස්ත්‍රික්කයේ ආණමඩුව, සෙම්බුකුලිය පාසල කියන්නේ ඉතාමත් අඩුපහසුකම් සහිත දරුවන් ඉගෙන ගන්නා දුෂ්කර පාසලක්. ඔවුන්ට බීමට තිබෙන ජලය ගොඩක් අපිරිසිදුයි. දැනට මුදල් වලට තමයි වතුර ගන්නේ. ඉතිං අපි පාසලට RO ජල පෙරණයක් පරිත්‍යාග කලා.
පාසලට ජල මූලාශ්‍ර 2ක් තියේ. එකක අගය 3520ක්, අනිකේ අගය 750ක්. සාමාන්‍යයෙන් අගය 1000 වැඩිනම් සාමාන්‍ය RO ජල ප්‍රමාණයක් ප්‍රමාණ්වත් නැහැ. ඉතිං අපි අගය 1000ට අඩු ජල මූලාශ්‍රයට අදාල ටැප් එකට RO ජල පෙරණයක් සවි කලා.
පසුගිය දිනක සමාජසත්කාර කණ්ඩායමේ පුත්තලම් දිස්ත්‍රික්කයේ ආණමඩුව ප්‍රදේශයේ කටයුතු කරන අප සාමාජික Janil Indika අයියගේ සහ සෞම්‍ය මිතුරගේ මගපෙන්වීමෙන් මෙම පාසලට RO ජල පෙරණයක් පරිත්‍යාග කලා. මෙය පරිත්‍යාග කලේ මාගේ කළණ මිතුරියක් වන Mekala Sankapali Fernando නංගිගේ මවගේ දායකත්වයෙන්. දරුවෝ, ගුරුවරුන් සහ විදුහල්පති තුමන්ද බොහොමත්ම ස්තූතිවන්ත වුණා මේ පරිත්‍යාගය පිළිබඳව.
දැන් ආයෙත් මේ දරුවන්ට අපිරිසිදු ලවණ සහ මඩ සහිත ජලය පානය කරන්න අවශ්‍ය නැහැ. මෙම ෆිල්ටරය හරහා පාසලේ කිහිපපොළකට සෑම දිනකම උදෑසන ජලය බෙදාහැරීමට කටයුතුද සූදානම් කලා.
අපේ රටේ අනාගත පරපුර සෞඛ්‍ය සම්පන්න කිරීම උදෙසා මෙසේ පිරිසිදු පානිය ජල පහසුකම් ලබා ගැනීමට ඔබ විසින් සිදු කරා වූ උතුම් පරිත්‍යාගය හේතුවන් ඔබගේ සහ ඔබ පවුලේ සියලුම දෙනාගේ අනාගතය සර්වප්‍රකාරයෙන්ම සාර්ථක වේවා. නිදුක් නීරෝගී වේවා.
කිසිදු කාය චිත්ත පීඩාවක් නොම වේවා…. කරන කියන යම් කටයුත්තක් වේ නම් ඒ සියල්ල සිතන පතන අයුරින්ම සිදු වේවා…. රැකියා කටයුතු අධ්‍යාපන කටයුතු වේ නම් සියල්ල සර්වප්‍රකාරයෙන්ම සාර්ථක වේවා…. අවසානයේ උතුම් වූ චතුරාර්‍ය සත්‍ය අවබෝධ වීම පිණිස මේ උතුම් පුණ්‍යකර්මය හේතු වේවා….
චන්ද්‍රිකා ප‍්‍රනාන්දු මහත්මියගේ මව Girlie Aponso, පියා Gunadasa Perera, ස්වාමිපුරුෂයා ජයන්ත ප‍්‍රනාන්දු, මාමණ්ඩිය D.S. Fernando ද ඇතුළු එම මහත්මියගේ නමින් මිය පරලොව ගිය සියලූම දෙනාට නිර්වාණ සුවය අත්වේවා.
එම මහත්මියගේ දරුවන් වන පණ්ඩුක, මොනා, මේඛලා, ඉමිහිරි සහ තෙහාන් චුටි පුතා ඇතුලූ පවුලේ සියලූම දෙනාට මෙම කුසලයේ බලයෙන් නිදුක් නීරොගී සුවපත් දිවියක් උදා වේවා. කෙළවර උතුම් වු නිර්වාණ සම්පත්තිය අවබෝධය පිණිසම මෙම කුසලය හේතු වාසනා වේවා…
වැඩි විස්තර සහ ඡායාරූපය බලාපොරොත්තු වන්න…
Project Water | Water for Schools
0 Comments