ඇති හැකි විහාරස්ථාන එකතු වී ශ්‍රී ලංකාවේ දුෂ්කර ප්‍රදේශවල පිහිටි අඩුපහසුකම් සහිත විහාරස්ථාන දියුණු කරමු ! (හැකි තරම් ශෙයාර් කරන්න)
හාමුදුරුවනේ, ඔබ වහන්සේ මේ පණිවිඩය දකිනවා කියන්නේ ඔබ වහන්සේ සාමාන්‍ය දුරට හෝ පහසුකම් සහිතව දිවි පෙවතක් ගෙවන ස්වාමීන්වහන්සේලා දහස් ගණනකින් එක් හිමිනමක් බවයි. නමුත් හාමුදුරුවනේ දානේ වේලවත් නොලැබෙන, සිවුරු පිරිකරවත් නොලැබෙන ස්වාමීන්වහන්සේලා/විහාරස්ථාන ලංකාවේ දුෂ්කර ප්‍රදේශවල තිබෙනවා කියලා ඔබ වහන්සේලා දන්නවද? කිලෝමීටර් ගණන් පයින් වඩින, විදුලි බලය නොමැති, අලින්ගෙන් කරදර විඳින, ගොවිතැනින්, කුළීවැඩෙන් ජීවත්වෙලා දිවි ගෙවන දුප්පත් මිනිස්සු ඉන්න ගම්වල ගොඩක් විහාරස්ථාන තිබෙනවා.
ඔබ වහන්සේලාගේ කුටියේ ටයිල් අල්ලන විට, ගොම මැටි ගෑ බිම පැදුරක් එලාගෙන සැතපෙන ස්වාමීන්වහන්සේලාද අපිට මුණගැසී තිබෙනවා. කරාමය විවෘත කල සැනින් ජලය ඔබවහන්සේලාට ලැබුනද පැන් පහසුව සඳහා කිලෝමීටර් ගණනක් පයින් වැඩිය යුතු ප්‍රදේශද තිබෙනවා…
දිනපතා විහාරස්ථාන සොයා ලංකාව පුරා සංචාරය කරන විට අපිට මෙවැනි විහාරස්ථාන මුණගැසෙනවා. අපි හැකි විදිහට එම විහාරස්ථාන වලට උදව් කරනවා.
ඔබ වහන්සේලාට දායකයින් පූජා කරන ඕනෑම දෙයක අතිරික්තයක් තිබෙනවානම් අපට ලබාදෙන්න. ඒවාට සුදුසු විහාරස්ථාන හෝ පවුල් සොයාබලා පූජා/පරිත්‍යාග කරන්න අප සූදානම්.
දුෂ්කර පංසල් වලට සහ දුප්පත් පවුල් වලට පරිත්‍යාග කල හැකි…
සිවුරු අදන කුඩ සෙරෙප්පු අටපිරිකර පාත්තර වටාපත් පිගන් කෝප්ප කොට්ට පැදුරැ සබන් බුරුසු දත්බෙහෙත් ත්‍රිපිටක පොත් වහන්සේලා ධර්ම පුස්තක කිරිපිටි සිනි තේ කොළ බුද්ධ ප්‍රතිමා අඩු කෝප්ප විදුරුසෙට් පෙනඩෝල් සිද්ධාලේප කොපි පොත් පැන් පැන්සල් බෙඩ් සීට් තුවා… වැනි ඕනෑම දෙයක් අප හට ලබාදිය හැක.
ඇති හැකි පන්සල් වලින් උදව් කරනවානම් ශ්‍රී ලංකාවේ අඩුපහසුකම් සහිත පන්සල් කියා දෙයක් නොතිබෙන්නට පුලුවන. ඒ තරමට ආධාර ලැබෙන විහාරස්ථාන අද ලංකාවේ තිබෙනවා. සමහර විහාරථානවලට එකතුවෙන කෝටි ගණනක් ආධාර පෞද්ගලික සුඛ විහරණයට යොදාගැනෙනවා. නමුත් නිවන් මග යන පිංවත් ස්වාමින්වහන්සේ නමකට එවන් පරිත්‍යාගයක් කිරීම අපහසු කාර්යයක් නෙමේ.
ඔබවහන්සේත් යම් පරිත්‍යාගයක් සිදු කිරීමට කැමතිනම් අපට කතාකරන්න. එවන් පරිත්‍යාගයක් සිදුකරාවි යැයි සිතන ස්වාමීන්වහන්සේලාව මේ පෝස්ට් එකට ටැග් කරන්න කාරුණික වන්න…
තැපෑලෙන් එවනවානම් : “ධනේෂ් එදිරිසූරිය, සමාජසත්කාර පදනම, කොස්කොලවත්ත, හුණුවල, තුල්හිරිය” ලිපිනයට එවන්න
දුරකතන අංකය : 0701 10 10 10
0 Comments